Віншуем з узнагародамі!!!
На раённым свяце, прысвечаным Дню настаўніка, былі адзначаны лепшыя педагогі і ўстановы адукацыі Глыбоцкага раёна па выніках 2013-2014 навучальнага года. Сярод лепшых устаноў адукацыі – ДУА “Мярэцкаўская дзіцячы сад - базавая школа Глыбоцкага раёна”.
Дзень настаўніка
У першую нядзелю кастрычніка ў нашай краіне адзначаецца Дзень настаўніка. Вучні нашай школы падрыхтавалі святочны канцэрт для сваіх любімых педагогаў.
1 верасня – Дзень ведаў
Пасля летніх канікул за парты селі 80 вучняў нашай установы адукацыі.
Веласіпедны паход
Вучні нашай школы, члены турыстычнага гуртка, рашылі замацаваць веды, атрыманыя на ўроках геаграфіі і курса "Мой родны край - Глыбоччына" на практыцы – у веласіпедным паходзе па родным краі. Праехалі па маршруце вёска Мярэцкія – возера Пліса – возера Акунёва – возера Белае – возера Шо, возера Псуя – возера Доўгае – вёска Мярэцкія.
Аздараўленчы лагерь "Дружба"
З 5 па 25 чэрвеня ў нашай школе працуе летні аздараўленчы лагер "Дружба"
Арганізавана работа двух атрадаў - "Сямейка" (для малодшых школьнікаў) і "Алые паруса" (для сярэдняга звяна). Запланавана правядзенне шматлікіх цікавых мерапрыемстваў - Дзень Здароўя, Дзень Казак, Дзень Кіно, Дзень Дзяўчынак, Дзень Хлопчыкаў, Дзень Падарожжаў, Дзень Музыкі, Дзень гульняў і забаў, Дзень Сяброўства. Экскурсіі, спартландыі, працоўны дэсант, конкурсы і віктарыны, прагляд кінафільмаў, а таксама трохразовае харчаванне і пасляабедзенны сон – створаны ўсе ўмовы для адпачынку дзяцей.
Паход - экскурсія ў прыродны комплекс "Блакітныя азёры"
Паход – экскурсія ў прыродны комплекс "Блакітныя азёры"
Нарачанскага нацыянальнага парка Мядзельскага раёна Мінскай вобласці
Цёплым суботнім днём вучні Мярэцкаўскай школы пад кіраўніцтвам Капшуль Аксаны Сігізмундаўны наведалі цудоўны куточак беларускай прыроды – комплекс "Блакітныя азёры". Прайшлі 7 кіламетраў па экалагічнай сцежцы, пабывалі на берагах некаторых азёр – возера Глубля з незвычайным зялёна-блакітным колерам вады; возера Глубелька – сэрцавіднай формы; Мёртвае возера, у якім не водзіцца рыба, але на берагах можна сустрэць цікавую расліну расянку.
Апошні званок
31 мая празвінеў апошні званок для выпускнікоў нашай школы – Дзеньгіна Аляксандра, Кучынскай Юліі і Кучынскага Вадзіма. На святочнай лінейцы прысутнічалі вучні, бацькі, настаўнікі, а таксама госці – першы сакратар РК БРСМ Ждановіч Э.М., метадыст аддзела адукацыі, спорту і турызму Пучынская Г.А., галоўны рэдактар газеты "Веснік Глыбоччыны" Капшуль Г.Н., прадстаўнікі "Белаграпрамбанка".