Міратворчая акцыя “Жураўлік”
У нашай установе адукацыі прайшла міратворчая акцыя "Жураўлік", прысвечаная Міжнароднаму дню міру, які адзначаецца 21 верасня.
Мэта акцыі – актывізацыя міратворчай дзейнасці членаў піянерскай дружыны. Задачы, якія стаялі перад арганізатарамі акцыі – навучыць савет дружыны арганізоўваць міратворчыя акцыі на ўзроўні піянерскай дружыны, папулярызаваць актыўную жыццёвую пазіцыю ўдзельнікаў акцыі.
Удзел у акцыі прынялі акцябраты і піянеры дружыны імя Ю.А.Гагарына.
Усе ўдзельнікі мерапрыемства зрабілі жураўлікаў з паперы. Рэзультатам акцыі сталі пажаданні ўсім жыхарам планеты Зямля, якія дзеці пісалі на жураўліках. Разам з папяровым жураўлікам піянеры падарылі і частачку свайго сэрца дзеля міра на ўсёй планеце.
Вучаніца 9 класа Шубнік Насця