Школьная канферэнцыя
22 красавіка адбылася чарговая школьная канферэнцыя даследчых работ. Вучні розных класаў прынялі ўдзел у канферэнцыі і прадставілі цікавыя, змястоўныя работы. Асаблівасцю сёлетняй канферэнцыі было тое, што сваю работу “Вырошчванне зялёнай цыбулі з цыбуліны рэпкі ў пакаёвых умовах” прадставілі выхаванцы старэйшай групы дзіцячага сада пад кіраўніцтвам выхавацеля Марозавай Алёны Віктараўны.
Перад педагогамі і вучнямі выступілі Жук Анастасія з работай “Загадкавы свет грошай”, Давыдзёнак Марыя з даследчай працай “Какие были времена… Какие были люди!” аб працоўным подзвігу ў пасляваенны час, Баговіч Ілья з работай “Літаратурныя маскі або навошта патрэбны псеўданімы”, Чучман Андрэй даследваў эпітэты ў пейзажнай лірыцы Ф.І. Цютчава і Рудніцкая Вераніка высветліла, чаму сабаку лічаць сябрам чалавека.
Педагогі Давыдзёнак Таццяна Барысаўна, Баравік Тацяна Міхайлаўна, Будо Любоў Іванаўна зацікавілі юных даследчыкаў і дапамаглі дзецям адкрыць для сябе шмат новага і данесці правільна свой даклад да гледачоў.
Намеснік дырэктара Г.І.Снарская