Экскурсія ў Бярэзінскі біясферны запаведнік
11 кастрычніка вучні і настаўнікі нашай школы наведалі Бярэзінскі біясферны запаведнік. Экскурсію арганізавалі настаўніца геаграфіі
Завадская А.С. і настаўніца біялогіі Кажамяка С.І.
Экскурсія пачалася з наведвання музея прыроды. На першым паверсе музея мы ўбачылі экспазіцыі з удзелам млекакормячых жывёл. А на другім паверсе мы шмат новага даведаліся пра птушак Беларусі. На экспазіцыях прадстаўлена каля 170 відаў птушак і 20 відаў млекакормячых.Пра багаты жывёльны свет нашай краіны было цікава пачуць ад экскурсавода. Затым быў арганізаваны прагляд фільма пра Бярэзінскі запаведнік. Экскурсія завяршылася наведваннем сучаснага ляснога заапарку. У вальерах мы ўбачылі зубра, дзікоў, мядзведзяў, ваўкоў, ліс і аленяў.
З задавальненнем і радасным настроем мы вярталіся дадому.