Канікулы правялі цікава і весела
Цікава і займальна правялі вучні зімовыя канікулы. Дзякуючы нястомнасці і творчаму натхненню настаўнікаў, дзеці здолелі не толькі адпачыць, але з карысцю правесці свой вольны час.
Канікулы для вучняў нашай школы пачаліся з навагодніх ранішнікаў, на якіх дзеці сустрэліся з казачнымі героямі, Дзедам Марозам і Снягурачкай, вадзілі карагоды і спявалі навагоднія песні, удзельчалі ў займальных конкурсах. Ніхто не застаўся без падарунка і добрага настрою.
А ўжо 3 студзеня канікулы працягнуліся цікавай і пазнавальнай паездкай ў сталіцу нашай рэспублікі - Мінск. Цэнтральнай падзеяй падарожжа было навагодняе прадстаўленне ў Беларускім дзяржаўным цырку. Дзеці з задавальненнем перанесліся ў дзіўную атмасферу свята, дабра і прыгод. Ад паездкі ва ўсіх засталіся самыя цудоўныя ўражанні.
4-5 студзеня для вучняў была арганізавана паездка ў філіял "Івесь", дзе ўсе з задавальненнем паўдзельнічалі ў спартыўных і турыстычных спаборніцтвах.
Кожны дзень канікул быў насычаным і цікавым.
Намеснік дырэктара па асноўнай дзейнасці В.І.Барыла