Мы - грамадзяне Рэспублікі Беларусь
15 сакавіка ў Дзень Канстытуцыі Рэспублікі Беларусь у рамках патрыятычнай акцыі "Мы – грамадзяне Рэспублікі Беларусь" у гарадскім доме культуры адбылася ўрачыстая цырымонія ўручэння пашпартоў старшакласнікам. У святочным мерапрыемстве прымалі ўдзел прадстаўнікі нашай школы Гаранін Андрэй, Рудніцкая Вераніка і Баравік Вікторыя.
Менавіта ў Дзень Канстытуцыі Рэспублікі Беларусь ва ўрачыстай атмасферы вучні 8 класа Гаранін Андрэй і Рудніцкая Вераніка атрымалі свой галоўны дакумент – пашпарт.
Падчас мерапрыемства былі адзначаны і ўзнагароджаны прызамі і актыўныя ўдзельнікі акцыі па зборы другаснай сыравіны "Моладзь за чысціню гарадоў і вёсак". Сярод іх Баравік Вікторыя, вучаніца 2 класа, якая заняла другое месца ў раёне па зборы пластыкавых бутэлек, сабраўшы 120 кілаграм.
Намеснік дырэктара па асноўнай дзейнасці В.І.Барыла