Дзень самакіравання
Ужо традыцыйна напярэдадні Дня настаўніка ў школе быў арганізаваны дзень самакіравання.
Пачаўся дзень са святочнага прывітання кожнага настаўніка. Затым на лінейцы дырэктар Інэса Сцяпанаўна перадала сімвалічны ключ ад школы новаму дырэктару, вучню 9 класа Чучману Андрэю. Пасля званка вучні старэйшых класаў у ролі настаўнікаў пачалі праводзіць урокі. Дырэктар і яго намеснікі Давыдзёнак Марыя і Сварцэвіч Аляксандра стараліся вырашаць усе пытанні хутка і эфектыўна. Яны сачылі за парадкам на ўроках і на перапынках. 
Пасля завяршэння ўрокаў адбыўся святочны канцэрт, які быў падрыхтаваны вучнямі 9-га класа. На канцэрце прысутнічалі ветэраны педагагічнай працы Зінкевіч Ганна Браніславаўна, Саўко Зоя Іванаўна, Каляга Валянціна Уладзіміраўна, Малышчыц Марыя Антонаўна. Песні, вершы, танцы і сцэнкі былі прысвечаны настаўнікам, іх нялёгкай працы. 
Дзень самакіравання запомніцца настаўнікам і вучням як адзін з самых яркіх дзён нашага школьнага жыцця, а традыцыя захаваецца і на наступны год.
Намеснік дырэктара па асноўнай дзейнасці Барыла В.І.