Апошні званок - 2018
30 мая празвінеў апошні званок для 9-ці выпускнікоў нашай школы.
На святочнай лінейцы прысутнічалі вучні, бацькі, настаўнікі, а таксама госці – дырэктар ААТ “Залатая падкова” Стукан А.Д., намеснік дырэктара СУП “Мярэцкія” Дубаўка В.У., метадыст аддзела адукацыі, спорту і турызму Глыбоцкага райвыканкама Крыкун А.В. З прывітальнымі словамі да вучняў звярнуліся Стукан А.Д., Дубаўка В.У., дырэктар школы Гражэўская І.С., намеснік дырэктара па асноўнай дзейнасці Снарская Г.І., класны кіраўнік 9 класа Марцінкевіч Н.А.
Традыцыйна на апошняй лінейцы былі адзначаны лепшыя вучні па выніках навучальнага года. Выдатніца Мацюшонак Паліна атрымала ліст падзякі. Дыпломамі і граматамі былі адзначаны вучні за высокія рэзультаты ў вучобе, спорце, турызме, мастацтве, даследчай дзейнасці.
Першакласнікам лінейка спадабалася тым, што яны сталі ўдзельнікамі рэспубліканскай акцыі "Падары дзіцяці футбольны мяч".
Ганаровае права даць апошні званок было прадастаўлена выпускніцы школы Коцікавай Паліне і першакласніку Малею Міхаілу.
У добры шлях, выпускнікі!