Дзень здароўя "Снежныя фантазіі"
На двары сярэдзіна сакавіка, а зіма не здае свае пазіцыі. Школьная субота прайшла пад назвай «Снежныя фантазіі». У Дзень здароўя вучні выйшлі на школьны двор, каб павесяліцца, паспаборнічаць і ўдосталь найграцца на снезе. У праграму снежных забаў уваходзілі конкурсы на выраб снежных скульптур, на трапнасць. У выніку былі збудаваныя са снегу і афарбаваны гуашшу торт, вулкан і каралеўскі трон. У конкурсе «Біятлон» вучням трэба было трапіць у паветраныя шарыкі, падвешаныя на вяроўцы, а ў «Снежным снайперы» хлопчыкі трэніраваліся трапляць снежкай у цэль - абруч. Выдатнае надвор'е дадала станоўчых эмоцый і добрага настрою.
