“Родная мова, цудоўная мова! Ты нашых думак уток і аснова!”
У форме агульнашкольнага інтэрактыву прайшлі мерапрыемствы да Дня роднай мовы. Асноўнымі задачамі сталі: фарміраванне станоўчай матывацыі да вывучэння і ўжывання беларускай мовы, папулярызацыя беларускай мовы праз знаёмства з навінкамі сучаснай беларускамоўнай культуры, міжасабовыя зносіны вучняў і настаўнікаў, актуалізацыя ведаў па беларускім фальклоры, лексіцы, паэзіі.
Дзень выдаўся вельмі насычаным. На працягу дня праходзіла акцыя “Любімае слова па-беларуску” Вучні ўсіх класаў пісалі на папяровых сэрцайках любімыя беларускія словы і ўпрыгожваюць імі пакаёвае дрэва.
На вялікім перапынку адбыўся прагляд відэаролікаў “Чытаем па-беларуску”. Дзеці праслухалі беларускія вершаў, падрыхтаваныя вучнямі да конкурсу “Чытаем па-беларуску з VELCOM”.
На працягу дня вучні выконвалі заданні па беларускай мове і літаратуры, размешчаныя на выставе “Скарбонка роднай мовы"
Для вучняў 2 і 4 класаў прайшло мерапрыемства фітабар “Беларускія зёлкі” .
Падрыхтаваныя шасцікласнікі праводзілі моўную хвілінку “Завіталі ў клас дзяўчаткі” на ўроку беларускай мовы ў 3 класе.
З вучнямі 7-8 класаў была праведзена інтэлектуальная гульня “Пяць зорак за родную мову”.
Настаўнік роднай мовы Н.А.Марцінкевіч