Зімовыя канікулы
Цікава і займальна правялі вучні зімовыя канікулы.
Дзякуючы нястомнасці і творчаму натхненню настаўнікаў, дзеці здолелі не толькі адпачыць, але з карысцю правесці свой вольны час.
Канікулы для вучняў нашай школы пачаліся з цікавай і пазнавальнай паездкі ў сталіцу нашай рэспублікі - Мінск, якую арганізавала кіраўнік турыстычнага гуртка Будо Любоў Іванаўна. Цэнтральнай падзеяй падарожжа было навагодняе прадстаўленне ў Беларускім дзяржаўным цырку. Дзеці з задавальненнем перанесліся ў дзіўную атмасферу свята, дабра і прыгод. Ад паездкі ва ўсіх засталіся самыя цудоўныя ўражанні.
Працягнулісяканікулы навагоднімі ранішнікамі, на якіх дзеці сустрэліся з казачнымі героямі, Дзедам Марозам і Снягурачкай, вадзілі карагоды і спявалі навагоднія песні, удзельчалі ў займальных конкурсах. Вучні старэйшых класаў наведалі навагодняе кафэ. Ніхто не застаўся без падарунка і добрага настрою.
Удзельнікі зборнай раёна па спартыўнаму арыентаванню пад кіраўніцтвам Завадскай Аксаны Сігізмундаўны наведалі экскурсійную праграму ў філіяле “Івесь”.
На працягу канікул у школе працавалі гурткі: "Дэкаратыўны дызайн" (кіраўнік – Давыдзёнак Т.Б.), драматычны гурток (кіраўнік – Попель С.В.), вакальны гурток і гурток “Аэробіка” (кіраўнік - Саковіч Г.П.), танцавальны гурток (кіраўнік Крыўко І.М.).
Кожны дзень канікул быў насычаным і цікавым.
