Фестываль патрыятычнай песні
12 мая адбыўся школьны фестываль патрыятычнай песні, прысвечаны 72-ой гадавіне Перамогі ў Вялікай Айчыннай вайне.
Удзельнікамі сталі вучні I–VIII класаў, вядучымі былі вучні 9 класа Вярэга Насця і Папоў Раман. Школьнікі выканалі песні пра вайну, Радзіму, армію, чыталі вершы пра Беларусь. У праграме прагучалі самыя розныя песні: “Шли солдаты на войну”, “Синь-васильки”, “Прости меня, дедушка”, “Огонёк”, “И всё о той войне”, “Прадедушка”, “Наша армия”, “Идет солдат по городу”. Выступленні класаў суправаджаліся тэматычнымі прэзентацыямі. Хлопчыкі і дзяўчынкі шчыра перадалі атмасферу ваенных часоў, салдацкага сяброўства, любві да Радзімы. Адчувалася, што патрыятызм для нашых дзяцей няпроста словы.
