Конкурс чытальнікаў вершаў "Табе я свой верш прысвячаю"
2 мая прайшоў яшчэ адзін этап праекта "Красуе ў днях сваіх, Глыбокае, пралескай сіняй Беларусі".
На гэты раз вучні чыталі вершы, прысвечаныя роднаму гораду. Гледачамі былі вучні 4 - 9 класаў. Вядучая мерапрыемства, настаўніца беларускай мовы і літаратуры Зінкевіч Ганна Браніславаўна, перад кожным выступленнем коратка расказвала прысутным пра аўтараў вершаў. Гучалі вершы Віталя Гарановіча, Міхаіла Святлова, Ганны Вязіцкай, Еўдакіі Лось, Алеся Жыгунова. Пераможцамі конкурсу чытальнікаў сталі Счасная Кацярына і Кучынскі Вадзім. Дыпломы ўдзельнікаў таксама атрымалі Давыдзёнак Марыя, Сварцэвіч Аляксандра, Квяцінскі Ілья, Дзеньгін Аляксандр, Шубнік Настасся, Кнырко Вадзім, Косцік Павел, Баговіч Ілья, Лабачэўскі Дзмітрый.
