Школьная канферэнцыя - 2017
7 красавіка адбылася традыцыйная школьная канферэнцыя даследчых работ навучэнцаў, якая была прысвечана Году навукі. На канферэнцыі было прадстаўлена пяць работ гуманітарнага і прыродазнаўча-матэматычнага накірункаў.
Баброўка Юльяна з 4 класа зацікавілая “Дзядоўнік і Банчэмс — блізняты-браты?” Разам з настаўніцай пачатковых класаў Лявонавай Дзіянай Веньямінаўнай яна знайшла шмат агульнага паміж папулярнай дзіцячай гульнёй і раслінай.
Жук Насця з 6 класа дома разам з татам паліла лучынкі з розных парод дрэў і вызначала, якая лепш і даўжэй гарыць. А пад кіраўніцтвам настаўніцы гісторыі Завадскай Аксаны Сігізмундаўны даведалася аб асвятленні жылля ў усходніх славян.
Давыдзёнак Марыя з 7 класа разам з кіраўніком гуртка “Дэкаратыўны дызайн” Давыдзёнак Таццянай Барысаўнай ажыццявіла творчы праект “Лялькі з бабулінага куфэрка”. Марыя прадэманстравала лялькі, якія вырабіла сваімі рукамі. 
Паклонскі Іван з 8 класа разам з настаўніцай інфарматыкі Ючковіч Анжэлай Іванаўнай даследаваў тэкставы рэдактар Word. І склаў дапаможнік для работы ў праграме для малодшых школьнікаў. 
Папоў Раман з 9 класа даследаваў уздзеянне пакаёвых раслін на мікраарганізмы, якія знаходзяцца ў паветры. У гэтым яму дапамагала настаўнік біялогіі Кажамяка Святлана Іванаўна.
Юныя даследчыкі годна прадставілі свае работы, а педагогі дапамаглі дзецям адкрыць для сябе шмат новага.