Бацькоўскі сход “Бяспека дзіцяці ў сучаснай сям’і”
11 сакавіка прайшоў агульнашкольны бацькоўскі сход.
Перад бацькамі выступіла намеснік дырэктара па асноўнай дзейнасці Барыла В.І. якая звярнула ўвагу на занятасць дзяцей у пазаўрочны час.
Намеснік начальніка Глыбоцкага РАНС Станько А.І. пасля прагляду фільма "Бяспека ў кожны дом" расказаў аб рабоце па прафілактыцы надзвычайных сітуацый, прывёў статыстыку пажараў у рэспубліцы, вобласці і раёне. Андрэй Іванавіч папярэдзіў аб адказнасці бацькоў за выхаванне дзяцей, прывёў шмат яскравых прыкладаў са сваёй практыкі, звярнуў увагу на недапушчальнасць пакідаць дзяцей адных дома, на неабходнасць устаноўкі пажарных апавяшчальнікаў. 
Педагог-псіхолаг ДУА "Сярэдняя школа №2 г.Глыбокае" Мешкоўская Ю.Л. выступіла з паведамленнем "Смяротная гульня: як зберагчы дзіцяці" аб бяспецы ў інтэрнэце. 