"Усе мы ляцім да зор"
Напрыканцы снежня адбылося закрыццё праекта "Запрашальны квіток", які прысвячаўся Году культуры. Завяршыўся наш цудоўны праект мерапрыемствам, прысвечаным 125-годдзю з дня нараджэння аднаго з класікаў беларускай літаратуры Максіма Багдановіча.
Адкрывалася мерапрыемства літаратурна-музычнай кампазіцыяй "Усе мы разам ляцім да зор", падрыхтаванай вучнямі 5-9 класаў пад кіраўніцтвам настаўніцы беларускай мовы і літаратуры Наталіі Анатольеўны Марцінкевіч. Гучалі вядомыя вершы паэта ў выкананні вучняў у суправаджэнні прэзентацыі, якую падрыхтавала загадчыца Мацэбылінскай сельскай бібліятэкі Крысціна Счасная. Шмат цікавай інфармацыі пра паэта расказала арганізатар праекта, член Саюза пісьменікаў Беларусі Ганна Зінкевіч.
Падвяла вынікі праекта дырэктар школы Інэса Сцяпанаўна Гражэўская, якая расказала аб вялікай ролі праекта ў эстэтычным, літарурна-мастацкім і патрыятычным выхаванні школьнікаў. Кіраўнік установы адукацыі падзякавала ўсім удзельнікам праекта і яго арганізатарам Ганне Браніславаўне Зінкевіч, Валянціне Іванаўне Барыла і Крысціне Францаўне Счаснай.