Дзень настаўніка - 2022
Ужо традыцыйна напярэдадні Дня настаўніка ў школе быў арганізаваны дзень самакіравання.
Пачаўся дзень са святочнага прывітання кожнага настаўніка. Затым на лінейцы дырэктар Інэса Сцяпанаўна перадала сімвалічны ключ ад школы новаму дырэктару, вучню 9 класа ТрайкоўскамуДаніілу. Пасля званка вучні старэйшых класаў у ролі настаўнікаў пачалі праводзіць урокі. Дырэктар і яго намеснік Карпік Аляксандра стараліся вырашаць усе пытанні хутка і эфектыўна. Яны сачылі за парадкам на ўроках і на перапынках.
Пасля завяршэння ўрокаў адбылася канцэртная праграма для педагогаў, якую падрыхтавалі вучні нашай школы. Упрыгожваннем свята стала выстава асенніх букетаў і кампазіцый.
Дзень самакіравання запомніцца настаўнікам і вучням як адзін з самых яркіх дзён нашага школьнага жыцця.
