Напярэдадні Дня настаўніка ў нашай школе прайшоў святочны канцэрт, на якім прагучалі віншаванні для педагогаў.
З сардэчнай цеплынёй і шчырай удзячнасцю за карпатлівую працу шлём вам віншавальныя словы з нагоды прафесійнага свята - Дня настаўніка.
Прафесія педагога - самая важная, самая патрэбная. Яна асветлена найгалоўнейшай каштоўнасцю, што мае грамадства ў любой краіне, - клопатам пра будучых грамадзян Бацькаўшчыны.
Жадаем вам моцнага здароўя, жыццёвай утульнасці, сямейнага шчасця. Будзьце строгімі і спагадлівымі, мудрымі і справядлівымі. Няхай светлыя промні Вашых добрых і справядлівых вачэй вернуцца Вам шчаслівымі імгненнямі шчырага задавальнення ад настаўніцкай працы!