Бібліятэкар Марцэбылінскай сельскай бібліятэкі Счасная Крысціна Францаўна запрасіла настаўнікаў і вучняў на сустрэчу з пісьменнікам Віктарам Праўдзіным.
Віктар Аляксандравіч шмат гадоў быў галоўным рэдактарам выдавецтва «Мастацкая лiтаратура». Працаваў у часопісе «Нёман». Маёр міліцыі ў запасе. Піша ў дэтэктыўным жанры.

Крысціна Францаўна падрыхтавала выставу кніг аўтара, пазнаёміла з яго біяграфіяй і творчасцю. Асаблівай папулярнасцю ў бібліятэцы карыстаецца раман «Нелюбiмыя гiнуць».
Сустрэча з пісьменнікам доўжылася дзве гадзіны, Віктар Аляксандравіч змястоўна адказаў на ўсе пытанні. Напрыканцы сустрэчы аўтар падарыў кожнаму прысутнаму сваю кнігу з аўтографам.