Актыўнымі і пастаяннымі ўдзельнікамі акцыі “Моладзь за чысціню гарадоў і вёсак” з’яўляюцца вучні нашай школы. Штогод школьнікі збіраюць другасную сыравіну – макулатуру і пластыкавыя бутылкі. Тым самым становіцца чысцей на нашай роднай зямлі.

        За свае старанні дзеці атрымліваюць каштоўныя прызы. У гэтым годзе вынікі акцыі былі падведзены на раённым свяце “Віват, выпускнікі!”. У святочнай абстаноўцы старшыня раённага выканаўчага камітэта Алег Віктаравіч Морхат павіншаваў пераможцаў. Галоўны прыз – ноўтбук – атрымала вучаніца 8 класа Марыя Давыдзёнак. Яна сабрала 26 000 пластыкавых бутылак. У намінацыі “Збор макулатуры” перамог вучань трэцяга класа Аляксей Стукан, які сабраў 1525 кг. 

        Віншуем нашых пераможцаў!