Да нас у школу завіталі бібліятэкары школ раёна. Гасцей сустрэла прывітальнай песняй вакальная група настаўнікаў.

Дырэктар установы адукацыі Гражэўская І.С. правяла экскурсію па школе. Затым удзельнікам пасяджэння настаўніца беларускай мовы і літаратуры Зінкевіч Г.Б. расказала пра мерапрыемствы, якія прайшлі ў рамках праекта, прысвечанага 600–годдзю г. Глыбокае. Вучаніца 9 класа Кучынская Юлія прачытала свой верш "Глыбокае". Удзельнікі драматычнага гуртка паказалі пастаноўку па матывах паэмы М.Машары "Мамчына горка". Госці былі вельмі ўражаны і выказалі словы ўдзячнасці вучням і педагогам. Пасля гэтага бібліятэкары ўстаноў адукацыі абмяркоўвалі актуальныя пытанні пад кіраўніцтвам метадыста аддзела адукацыі, спорту і турызму Цішонак Алены Норбертаўны.